डिंकाचे लाडू

साधारणपणे हरभऱ्याच्या डाळीअेवढा बारीक होईल इतपत डिंक जाडसर कुटावा. नंतर डिकंाला तुपाचा हात लावून तो उन्हात ठेवावा. खोबरे किसून भाजून घ्यावे. खारकांची पूड करून घ्यावी. खसखस भाजून घ्यावी. बदाम सोलून त्यांचे जाड काप करून घ्यावेत. बिब्ब्याच्या बिया तळून घ्याव्यात. किंवा तुपामध्ये तळून त्याच्या लाह्या करून घ्याव्या. थोडे तूप टाकून खारकांची पूड भाजून घ्यावी. नंतर साखरेचा अगर गुळाचा पक्का पाक करून त्यात अर्धी वाटी तूप घालावे. चांगले मिसळून घेऊन लाडू वळावे. हे लाडू गरमच वळावे लागतात. हे लाडू उपवासालाही चालतात. पाहिजे असल्याास वरील साहित्यात डिंकाचे प्रमाण वाढविण्यास हरकत नाही.