मिक्स डाळीचा ढोकळा

सर्व डाळी पाण्यात स्वच्छ धुऊन पाच तास भिजवा. त्यानंतर मिक्सरवर खूप बारीक वाटा. साधारण १ कप पाणी लागेल. वाटण पातेलीत घालून घट्ट झाकण लावून ठेवा. दुसऱ्या दिवशी वाटलेली डाळ फुगुन येईल. वाटलेल्या डाळीत मिरच्या, लसूण, आले वाटून घाला. तसेच मीठ, साखर, गोडेतेल व थोडा पिवळा रंग घालून पीठ चांगले ढवळा. सर्वात शेवटी इनो घालून चांगले ढवळा व कुकरच्या भांड्याला तेलाचा हात लावून १ इंच जाडीचा किंवा दीड इंच जाडीचा थर ओतून कुकरमध्ये पाणी घालून ते भांडे(पिठाचे) ठेवावे. घड्याळ लावून १५ मिनिटांत ढोकळा तयार होतो. गार झाल्यावर जिरे, मोहरी व हिंग, कढीलिंब यांची फोडणी करून ढोकळयावर ओतावी.